Fengum áhugavert verkefni um daginn.

Þessi rist í vatnsrennibraut sundlaugarinnar á Hvammstanga var orðin ansi illa farin og orsakaði það að ef einhver missti t.d. sundgleruaugu þá gátu þau stíflað vatnsflæðið á bakvið ristina.

Við mældum allt út, breidd á götum, bil milli gata, stærð skrúfugata, bilið milli þeirra o.s.frv. og svo var allt teiknað frá grunni í Tinkercad og á endanum prentað út í PETG plasti, hvor rist fyrir sig í fimm "púslbitum" sem var skellt vatnsheldu lími á og svo smellt saman. PETG-plast er slitsterkt, þolir klór, sólarljós og frost.

Þetta virðist bara hafa komið mjög vel út (7-9-13) og mun vonandi endast í mörg, mörg ár 🙂

Vegna mikilla anna í febrúar verður opnunartími Tæknismiðjunnar færður yfir á laugardaga kl. 10:00-14:00.

Tæknismiðjan er komin í jólafrí frá og með 19. desember og opnar aftur mánudaginn 5. janúar.

Ef eitthvað bráðkallandi kemur upp er hægt að senda póst á taeknismidja@hunathing.is og við reynum að redda málinu. 🧑‍🎄

Þann 3. desember mun Karítas frá Fablab á Króknum koma til okkar og halda námskeið á vínilskera Tæknismiðjunnar.

Þátttökugjald er 6.000kr (efni innifalið) og takmarkaður sætafjöldi í boði (10 manns).

Hægt er að skrá sig með því að senda tölvupóst á taeknismidja@hunathing.is.